Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Abril 28, 2003. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Marso 3 hangtod sa Abril 28, 2003. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, pp. 36-7.]
MGA HIYAS SA PAGPANULTI
1. Unsa ang mga hinungdan nga makatampo sa pagkadili-larino? [be p. 93]
2. Matuod o Bakak: Angayng maglikay sa paghunong sa pagsulti, aron dili maglatagaw ang mga hunahuna sa mga tawo nga makahatag kanilag higayon sa pagbalda sa imong pagsulti. Ipatin-aw.
3. Unsa ka hinungdanon ang hustong pagpasiugda sa diwa alang sa usa ka mamumulong o magbabasa sa publiko? (Neh. 8:8) [be p. 101]
4. Unsaon nimo pag-ugmad ang hustong pagpasiugda sa diwa? [be pp. 102-3]
5. Unsa ang pangunang mga ideya nga kinahanglang ipasiugda sa dihang magbasag kusog gikan sa usa ka publikasyon diha sa usa ka pagtuon sa Bibliya o sa tigom sa kongregasyon? [be p. 105]
ASAYNMENT NUM. 1
6. Unsay mahimo sa mga ginikanan sa pagbansay sa ilang mga anak “aron sila mamati ug aron sila makakat-on” diha sa Kristohanong mga tigom? (Deut. 31:12) [be p. 16]
7. Unsa ang espirituwal nga paraiso? [w01 3/1 pp. 8-10]
8. Sa unsang paagi gipakita sa Proverbio 8:1-3 nga ang diyosnong kaalam mabatonan sa tanan, ug sumala sa Colosas 2:3, asa man kini makaplagan? [w01 3/15 pp. 25, 28]
9. Sa unsang paagi atong ikapaila ang ngalan sa Diyos? (Juan 17:6) [be pp. 273-5]
10. Unsa ang importanteng mga detalye nga angayng mahibaloan sa mga tawo bahin sa “maayong balita sa gingharian”? (Mat. 24:14) [be pp. 279-80]
SENEMANANG PAGBASA SA BIBLIYA
11. (a) Sa unang siglo, unsa ang “dulumtanang butang” nga gihisgotan sa Marcos 13:14? (b) Nagtumong sa unsa ang ‘pagbarog niini sa dapit nga kini dili angay’?
12. Sa unsang paagi gilig-on sa Ebanghelyo ni Lucas nga si Jesus mao ang kinaiyanhong manununod sa trono ni David? (Luc. 3:23-38) [w92 10/1 p. 9 par. 3]
13. Unsay kahulogan sa gisulti ni Jesus nga natala sa Lucas 12:2?
14. Sa ilustrasyon ni Jesus sa nawalang sensilyo nga drakma, nganong talagsaon ang pagsanong sa mga manulonda? (Luc. 15:10) Sa unsang paagi ang ilang panig-ingnan makaapektar kanato?
15. Unsa ang duha ka pakigsaad nga gihisgotan sa Lucas 22:29?