Mga Pahibalo

◼ Tanyag nga literatura sa Hulyo ug Agosto: Bisan unsang mga brosyur mahimog itanyag, apan maayong itanyag ilabina ang brosyur nga Makapatagbaw nga Kinabuhi​—Kon Unsaon Pag-angkon Niini. Septiyembre: Life​—How Did It Get Here? By Evolution or by Creation? Oktubre: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya.

◼ Sa Sabado, Agosto 30, 2003, adunay linangkob nga pagpanghinlo sa Puy-anang Bethel sa Quezon City, busa ang opisina sirado nianang buntaga ug walay mga tour nga himoon nianang adlawa. Ang literature reception sirado usab nianang buntaga.

◼ 2003 Tinuig nga Basahon: Aduna pay daghang suplay sa 2003 Tinuig nga Basahon sa Cebuano, Iloko, Iningles, ug Tagalog dinhi sa sangang buhatan. Ang mga ansiyano angayng magpahibalo niini ngadto sa kongregasyon ug susihon kon pila pay gikinahanglan aron makabaton ug kopya ang tanang pamilya diha sa kongregasyon. Lain pa, dasiga ang mga magmamantala sa pag-order ug pipila alang sa ilang mga ginatun-an sa Bibliya, sanglit ang Tinuig nga Basahon naglakip man sa kasaysayan sa buluhaton dinhi sa Pilipinas, ug kini mag-ugmad sa ilang pagpabili alang sa organisasyon. Sa dihang mahibaloan na kon pilay gikinahanglan ug kon unsang mga pinulongan, ang mga koordinetor sa literatura kinahanglang mag-order dayon, ginamit ang Literature Request Form (S-AB-14).

◼ Sugod sa unang semana sa Septiyembre, ang mga magtatan-aw sa sirkito mohatag sa pakigpulong publiko nga nag-ulohang “Kagawasan Gikan sa Kalibotan sa Kangitngit” sa dihang magaduaw sa mga kongregasyon. (Pahinumdom sa mga Magtatan-aw sa Sirkito: Kini maoy usa ka bulan nga sayosayo kay sa unang gipahibalo ug nagkahulogan kini nga may pipila ka kongregasyon sa inyong sirkito nga dili makapaminaw sa ginahatag ninyong pakigpulong publiko karon. Kining bag-ong pakigpulong magsugod sa Septiyembre, 2003 hangtod sa kataposan sa Pebrero, 2004.)