Mga Pahibalo

◼ Tanyag nga literatura sa Nobyembre: Ang librong Kahibalo o ang brosyur nga Gikinahanglan mahimong itanyag. Kon duna na niini ang mga tawo, itanyag ang librong Simbaha ang Diyos o usa ka daandaang publikasyon. Disyembre: Mahimong itanyag ang bisan hain sa mosunod nga mga libro: Ang Labing Bantogang Tawo nga Nabuhi Sukad, Ang Bibliya​—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Bisan unsang daandaang 192-panid nga libro mahimong itanyag. Kadtong walay daandaang mga libro mahimong motanyag sa Ang Pagpangita sa Katawhan sa Diyos. Pebrero: Ang librong Pakigsuod Kang Jehova maoy itanyag.

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Disyembre 1 o sa dili madugay human niana. Ipahibalo sa kongregasyon sa dihang kini nahuman na.

◼ Ang usa ka programa alang sa mga bungol ang hikayon sa Quezon City sa “Himayaa ang Diyos” nga Distritong Kombensiyon sa Enero 9-11, 2004. Kini maoy dungan sa Iningles nga kombensiyon sa maong petsa. Si bisan kinsang bungol nga mga tawo nga makasabot ug senyas nga pinulongan angayng motambong niining kombensiyona, tungod kay walay laing programa alang sa mga bungol sa ubang mga kombensiyon.

◼ Mga Amot sa Distritong mga Kombensiyon: Ang tanang galastohan sa mga kombensiyon, lakip ang mga abang sa estadyum, pag-andam sa entablado ug mga amplipayr, maingon man ang gasto sa bisan unsang bag-ong mga publikasyon nga mahimong luwatan, gisuportahan pinaagi sa boluntaryong mga amot ngadto sa tibuok-kalibotang buluhaton. Kami nakaseguro nga inyong hinumdoman kini sa dihang motambong. Ang mga amot mahimong himoon pinaagi sa paggamit sa mga kahon sa amot nga gitagana didto sa matag kombensiyon.

◼ Bag-ong Publikasyong Mabatonan:

Watch Tower Publications Index​—2002—Iningles