Mga Pahibalo

◼ Tanyag nga literatura sa Marso: Ang librong Kahibalo ipasiugda, uban ang tumong nga makasugod ug mga pagtuon sa Bibliya. Kon aduna na niini ang mga tawo, ang Patalinghogi ang Tagna ni Daniel! mahimong itanyag. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, ilakip kadtong nakatambong sa Memoryal o sa uban pang teokratikanhong mga okasyon apan kinsa dili aktibong nakig-uban sa kongregasyon. Isentro ang pagtagad sa pagpahimutang sa librong Simbaha ang Diyos ug paningkamoting makasugod ug pagtuon sa Bibliya sa balay, ilabina uban sa mga indibiduwal nga nakatuon na sa librong Kahibalo ug sa brosyur nga Gikinahanglan. Hunyo: Ang bag-ong libro nga Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan.

◼ Ang mga magmamantala nga buot mag-alagad ingong mga oksilyare payunir sa Abril ug Mayo angayng maghimo sa ilang mga plano karon ug itunol ang ilang mga aplikasyon nga sayo. Makatabang kini sa mga ansiyano sa paghimog kinahanglanong mga kahikayan sa pag-alagad sa kanataran ug pagbaton ug igong mga magasin ug ubang mabatonang literatura nga ilang magamit. Ang mga ngalan niadtong naaprobahan sa pag-oksilyare payunir kinahanglang ipahibalo sa kongregasyon.

◼ Pagbasa sa Bibliya Alang sa Memoryal: Ang tanan gidasig sa pagbasa sa gisugyot nga bahin sa Bibliya sumala sa gieskedyul diha sa 2004 Calendar ug sa Pagsusi sa Kasulatan sa Adlaw-Adlaw, nga magsugod sa Marso 30 ug matapos sa adlaw sa Memoryal, Abril 4.