Mga Pahibalo

◼ Tanyag nga literatura sa Hulyo ug Agosto: Mahimong itanyag ang bisan unsang mga brosyur. Septiyembre: Ang librong Life​—How Did It Get Here? By Evolution or by Creation? Alang niadtong dili mobasa ug Iningles, ang librong Kahibalo mahimong itanyag ingong kapuli. Oktubre: Itanyag ang tagsatagsa ka kopya sa Ang Bantayanang Torre ug Pagmata! Kon may gipakitang interes, itanyag ang brosyur nga Gikinahanglan ug paloapa kana uban ang tumong nga makasugod ug mga pagtuon sa Bibliya sa balay. Kon ang uban nakatuon na sa librong Kahibalo ug sa brosyur nga Gikinahanglan, sulayi ang pagsugod sa pagtuon sa librong Simbaha ang Diyos.

◼ Sa Sabado, Agosto 28, 2004, adunay linangkob nga pagpanghinlo sa Puy-anang Bethel sa Quezon City, busa ang opisina sirado nianang buntaga ug walay mga tour nga himoon nianang adlawa. Ang literature reception sirado usab nianang buntaga.

◼ Sugod sa unang semana sa Septiyembre, ang mga magtatan-aw sa sirkito mohatag sa pakigpulong publiko nga nag-ulohang “Kansang mga Prinsipyo ang Imong Gimahal?” sa dihang magaduaw sa mga kongregasyon.

◼ Gikinahanglan sa sangang buhatan nga padayong mahuptan ang kinabag-ohang rekord sa mga adres ug mga numero sa telepono sa tanang nagadumalang magtatan-aw ug mga sekretaryo. Kon adunay kausaban sa bisan unsang panahon, ang Komite sa Pag-alagad sa Kongregasyon angayng mopil-ap, mopirma, ug mopadala sa porma nga Presiding Overseer/Secretary Change of Address (S-29) ngadto sa sangang buhatan sa walay langan. Kini naglakip sa bisan unsang kausaban sa mga area code sa telepono.

◼ Kon magplano ka nga motambong sa mga tigom sa kongregasyon, asembliya, o distritong kombensiyon sa laing nasod, ang imong hangyo alang sa impormasyon maylabot sa mga petsa, oras, ug lugar kinahanglang ipadala ngadto sa sangang buhatan nga nagdumala sa buluhaton nianang nasora. Ang mga adres sa mga sangang buhatan gilista sa kataposang panid sa kinabag-ohang Tinuig nga Basahon.