Mga Pahibalo
◼ Tanyag nga literatura sa Marso: Itanyag ang librong Kahibalo uban ang tumong nga makasugod ug mga pagtuon sa Bibliya. Marso–Abril 17: Espesyal nga kampanya sa pag-apod-apod sa brosyur nga Padayon sa Pagbantay! Abril ug Mayo: Itanyag ang tagsa ka kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, lakip niadtong nakatambong sa Memoryal o sa ubang teokratikanhong mga okasyon apan kinsa dili aktibong nakig-uban sa kongregasyon, isentro ang pagtagad sa pagpahimutang sa librong Simbaha ang Diyos. Ang tumong kinahanglang mao ang pagsugod ug pagtuon sa Bibliya sa balay, ilabina uban sa mga tawo nga nakatuon na sa librong Kahibalo ug sa brosyur nga Gikinahanglan. Hunyo: Itanyag ang Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan ug paningkamoting makasugod ug pagtuon sa Bibliya.
◼ Ang mga magmamantala nga gustong mag-oksilyare payunir sa Abril ug Mayo kinahanglang magplano na karon ug maghatag sa ilang mga aplikasyon nga sayo. Kini makatabang sa mga ansiyano sa paghimog gikinahanglang mga kahikayan sa pag-alagad sa kanataran ug sa pagbaton ug igoigong mga magasin aron ilang magamit. Ang mga ngalan niadtong naaprobahan ingong mga oksilyare payunir kinahanglang ipahibalo sa kongregasyon.
◼ Pagbasa sa Bibliya Alang sa Memoryal: Ang tanan gidasig sa pagbasa sa gisugyot nga bahin sa Bibliya sumala sa gieskedyul diha sa 2005 Calendar ug sa Pagsusi sa Kasulatan sa Adlaw-Adlaw, nga magsugod sa Marso 19 ug matapos sa adlaw sa Memoryal, Marso 24.
◼ Mga Pagtuon sa Libro sa Kongregasyon: Sugod sa semana sa Mayo 23, 2005 hangtod sa semana sa Hunyo 20, 2005, atong tun-an ang brosyur nga Padayon sa Pagbantay! Dayon, sugod sa semana sa Hunyo 27, 2005, atong tun-an ang Patalinghogi ang Tagna ni Daniel! diha sa mga pagtuon sa libro. Ang Cebuano, Hiligaynon, Iloko, ug Tagalog nga mga kongregasyon angayng magpadala gilayon sa ilang mga order alang sa librong Tagna ni Daniel aron maseguro nga ang tanan adunay personal nga kopya alang sa pagtuon. Para sa Bicol, Pangasinan, ug Samar-Leyte nga mga kongregasyon, ang materyal nga pagatun-an giimprenta pa diha sa pulyeto nga porma ug ang suplay ipadala ra ngadto sa matag kongregasyon aron ang matag magmamantala makabaton ug kopya. Busa dili na kinahanglang mag-order niining tulo ka pinulongan.