Mga Pahibalo

◼ Tanyag nga literatura sa Disyembre: Mahimong itanyag ang bisan unsa sa mosunod nga mga libro: Ang Labing Bantogang Tawo nga Nabuhi Sukad, Ang Bibliya—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Mahimong itanyag ang bisan unsang daandaang mga libro nga napatik antes sa 1991 nga anaa sa kongregasyon. Ang mga kongregasyon nga walay daandaang mga libro mahimong magtanyag sa brosyur nga Padayon sa Pagbantay!, nga mahimong orderon gikan sa sangang buhatan. Pebrero: Itanyag ang librong Pakigsuod Kang Jehova.

◼ Kon masayod ka nga ikaw wala sa kongregasyon sa kataposan sa Disyembre kay motambong ug distritong kombensiyon, seguroha nga ikahatag nimo ang imong taho sa pag-alagad sa kanataran ngadto sa imong magtatan-aw sa Pagtuon sa Libro sa Kongregasyon sa dili ka pa mobiya. O, kon ikaw dili ra kaayo layo, mahimong itawag lang nimo sa telepono o i-text ang imong taho kaniya o sa sekretaryo sa kongregasyon, aron ikaw mahimong “kasaligan sa labing gamay.”—Luc. 16:10.

◼ 2006 Tinuig nga Teksto: Ang tinuig nga teksto alang sa 2006 gikuha sa Buhat 5:29: “Kinahanglang among sugton ang Diyos ingong magmamando inay ang mga tawo.” Ang tanang kongregasyon angayng magtaod sa bag-ong tinuig nga teksto sa ilang Kingdom Hall sugod sa Enero 1, 2006.

◼ Ang mga panid 5 ug 6 niining gulaa sa Atong Ministeryo sa Gingharian kinahanglang tipigan aron magamit sa mga programa sa sirkitong asembliya ug sa espesyal nga adlaw nga asembliya sa 2006 nga tuig sa pag-alagad. Ang mga ansiyano kinahanglang magmaalisto sa paghikay sa mga bahin sa Tigom sa Pag-alagad sa dili pa ug human sa sirkito ug espesyal nga mga asembliya, segun sa gisugyot sa pasukip sa Disyembre 2004 nga Atong Ministeryo sa Gingharian, panid 4.

◼ Kausaban sa Distritong Kombensiyon: Ang kombensiyon sa Valencia City, Bukidnon, pagahimoon na karon sa Disyembre 2-4, 2005 inay sa Disyembre 9-11.