Mga Pahibalo

◼ Tanyag nga literatura sa Pebrero: Ang librong Pakigsuod Kang Jehova mao ang itanyag. Marso: Atong itanyag ang bag-ong libro, Unsay Tinuod nga Gitudlo sa Bibliya? Abril ug Mayo: Tagsatagsa ka kopya sa Bantayanang Torre ug Pagmata! Sa dihang mobalik-duaw sa interesadong mga tawo, ibug-os ang pagtagad sa pagpahimutang sa bag-ong libro nga Unsay Tinuod nga Gitudlo sa Bibliya? Ang tumong mao gayod ang pagsugod ug pagtuon sa Bibliya ginamit ang maong libro.

◼ Ang espesyal nga pakigpulong publiko sa 2006 pagahimoon sa Dominggo, Abril 30, 2006. Ang ulohan sa maong pakigpulong mao “Kontrolado pa ba Gihapon sa Diyos ang mga Butang?” Dunay laraw nga itagana. Ang mga kongregasyon nga may duaw sa magtatan-aw sa sirkito, sirkitong asembliya, o adlaw sa espesyal nga asembliya sa maong hinapos sa semana angayng maghimo sa ilang espesyal nga pakigpulong sa Mayo 7, 2006. Ang mga kongregasyon nga may miting publiko sa laing adlaw nga dili sa Dominggo mahimong mag-eskedyul sa espesyal nga pakigpulong sa Mayo 1 ngadto sa 6, 2006.

◼ Angayng repasohon sa sekretaryo ug sa magtatan-aw sa pag-alagad ang kalihokan sa tanang regular payunir sa kataposan sa Pebrero. Kon adunay naglisod sa pagkab-ot sa kinahanglanong oras, ang mga ansiyano kinahanglang mohimog kahikayan sa pagtabang kanila nga makab-ot ang ilang tinuig nga kinahanglanon inigka-Agosto 31.

◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Marso 1 o sa dili madugay nga maarangan human niana.

◼ Sa Dominggo, Pebrero 19, 2006, dunay miting uban sa tanang nagplano nga mag-oksilyare payunir sa mga bulan sa Marso, Abril, ug Mayo. Ang magtatan-aw sa pag-alagad maoy modumala niining mitinga, nga magseguro nga dunay igong mga Application for Auxiliary Pioneer Service nga mabatonan aron ikaapod-apod sa tanang motambong niining mitinga.

◼ Ang artikulo sa panid 6 nga nag-ulohang “Pahimusli ang Atong Pagtuon sa Unsay Tinuod nga Gitudlo sa Bibliya?” pagahisgotan sa Tigom sa Pag-alagad sa semana sa Abril 3. Palihog tipigi kining artikuloha ug ang kauban nga eskedyul sa pagtuon.

◼ Bag-ong mga Publikasyon nga Mabatonan:

Watch Tower Publications Index 2004—Iningles

What Does the Bible Really Teach?, Dagkog-letrang edisyon—Cebuano, Iloko, Iningles, Tagalog