Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon panahon sa Teokratikanhong Tunghaan sa Ministeryo sa semana nga magsugod sa Disyembre 25, 2006. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Nobyembre 6 hangtod sa Disyembre 25, 2006. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, p. 36-7.]
MGA HIYAS SA PAGPANULTI
1. Unsay angayng maggiya sa atong desisyon sa pagpilig haom nga mga komento sa dihang magpaila ug usa ka teksto? [be p. 148 par. 4–p. 149 par. 1] Ang pagpakitag pagtahod kang Jehova nga mao ang nag-inspirar sa Bibliya maoy hinungdanon sa tanan. Ang pagsabot sa konteksto, kon kinsay gihisgotan ug kinsay nagsulti niini, ug kon unsang ulohan ang ginahisgotan makatabang kanato sa pagdesisyon kon unsaon pagpaila ang usa ka teksto.
2. Unsa ang pipila ka paagi nga mahimo natong gamiton aron tukma natong ikapasiugda ang atong mga ginasulti? [be p. 151 par. 4–p. 152 par. 3] (1) Pagpasiugda pinaagi sa tingog: Ang pag-usab sa tingog magpalahi sa nagdala-sa-ideyang mga pulong gikan sa ubang bahin sa tudling-pulong. (2) Paghunong: Ang hustong paghunong sa dili pa basahon ang usa ka pangunang bahin sa usa ka teksto makamugnag kahinam, ug ang paghunong inigkahuman ug basa makapadulot sa impresyon niana. (3) Pagsubli: Human nato mabasa ang usa ka teksto, ang pagsubli sa pangunang mga pulong o mga ekspresyon dakog ikatabang sa pagpasiugda sa usa ka linaing punto. (4) Pagkompas: Ang lihok sa lawas ug ekspresyon sa nawong kasagarang makadugang sa emosyon diha sa usa ka pulong o grupo sa mga pulong.
3. Tungod kay seryosong butang ang pagtudlo sa Pulong sa Diyos ngadto sa uban, unsay gikinahanglan aron atong ‘magamit ang pulong sa kamatuoran sa hustong paagi’? (2 Tim. 2:15) [be p. 153 par. 1-3, kahon; p. 154 par. 1-2] Angay natong paneguroon nga ang atong pagpatin-aw sa usa ka teksto nahiuyon sa konteksto, sa kon unsay giingon sa Bibliya mismo, ug sa kon unsay napatik sa “matinumanon ug maalamong ulipon.” (Mat. 24:45) Dili nato idugang ang atong kaugalingong mga panghunahuna o sayop nga magpadapat sa usa ka teksto aron paluyohan ang atong punto-debista. (Jer. 23:16) Dugang pa, maningkamot kita sa pagsundog kang Jesu-Kristo, kinsa naggamit sa Pulong sa Diyos aron dasigon ang uban ug dili aron hadlokon sila. (Mat. 11:28)
4. Sa unsang mga paagi tin-aw natong mapadapat ang mga teksto nga atong gibasa? [be p. 154 par. 4–p. 155 par. 3] Ang usa ka paagi nga kita makahimog tin-aw nga pagpadapat mao ang pagpalain sa nagadala-sa-ideyang mga pulong nga may kalabotan sa puntong gihisgotan. Gisentro ni Jesus ang pagtagad nganha sa ekspresyon nga “usa ka unod” sa dihang nagpatin-aw sa kahulogan sa Genesis 2:24. (Mat. 19:3-6) Kita makasukna usab ug mga pangutana nga magpasiugda sa pangunang mga pulong diha sa teksto nga buot natong basahon. Ang atong tumong mao ang pagdala sa pagtagad ngadto sa bahin sa teksto nga mapadapat sa atong panaghisgot aron makasabot gayod ang mamiminaw sa kalangkitan sa ulohan ug sa teksto nga atong gigamit.
5. Nganong hinungdanon nga himoong tin-aw ang praktikal nga bili sa atong pakigpulong, ug unsa ang pipila ka paagi sa paghimo niini? [be p. 157 par. 1-4, kahon; p. 158 par. 1] Kon dili masabtan sa mga tawo ang praktikal nga bili sa atong ginasulti, lagmit dili na sila mamati kanato ug dili na sila makabenepisyo sa impormasyon nga gipahayag. Ginadasig nato ang uban sa paghunahuna sa praktikal nga bili pinaagi sa pagtabang kanila sa pagsabot kon sa unsang paagi ang pagkahadlok kang Jehova makaapektar sa ilang kinabuhi. (Sal. 111:10; 1 Tim. 4:8) Ginahimo natong praktikal ang atong mga pakigpulong pinaagi sa pagtagad sa atong mamiminaw ug sa pagpangutana, ‘Sa unsang paagi makabenepisyo ang mamiminaw sa impormasyon nga akong gamiton’?
ASAYNMENT NUM. 1
6. Sa unsang paagi si Solomon usa ka magtitigom? [si p. 112 par. 1-3] Si Solomon mao ang pangulo sa usa ka katawhan nga napahinungod kang Jehova. Tungod niana, gipaningkamotan niyang matuman ang iyang responsabilidad sa pagtigom sa katawhan sa Diyos nga magmatinumanon sa ilang pahinungod. Pinaagi sa maalamong tambag sa Ecclesiastes, gipaningkamotan ni Solomon ang pagtigom sa katawhan ngadto sa mapuslanong mga buhat ug gipahilayo sa walay-pulos, dili-mabungahon nga mga buhat sa kalibotan. (Eccl. 12:8-10)
7. Sa unsang paagi ang Ecclesiastes nahiuyon sa mga pagtulon-an ni Jesus? [si p. 114 par. 16] Dunay daghang kasamahan ang Ecclesiastes ug ang mga pagtulon-an ni Jesus. Pananglitan, gipasiugda ni Jesus ang kadako sa mga buhat sa Diyos, sa pag-ingon: “Ang akong Amahan nagpadayon sa pagbuhat hangtod karon, ug ako nagpadayon sa pagbuhat.” (Juan 5:17) Si Solomon naghisgot usab bahin sa mga buhat sa Diyos: “Nakita ko ang tanang buhat sa matuod nga Diyos, nga ang mga tawo wala makatugkad sa buhat nga ginahimo ilalom sa adlaw; bisan kon giunsa paghago sa tawo sa pagsusi, apan sila wala makatugkad. Ug bisan pa kon sila moingon nga sila maalamon aron makahibalo, sila dili makatugkad.” (Eccl. 8:17)
8. Unsay nagpamatuod nga ang Awit ni Solomon maoy bahin gayod sa Bibliya? [si p. 115 par. 3-4] Ang Awit ni Solomon nalakip sa “Septuagint,” ug giapil kini ni Josephus sa iyang katalogo sa balaang mga basahon, nga nagpakita nga ang pagkabahin niini sa Bibliya gidawat gayod sa unang mga panahon. Dugang pa, ang maanindot nga paghubit niini sa tilinguhaong hiyas sa gugma nga gisaw-an sa duha ka binuhat, sama sa gugma tali ni Kristo ug sa iyang “pangasaw-onon” sa espirituwal nga diwa, nagpasabot nga ang Awit ni Solomon bahin gayod sa kanon sa Bibliya. (Pin. 19:7, 8; 21:9)
9. Sa unsang paagi ang Linukot nga Basahon ni Isaias sa Patayng Dagat naghatag ug lig-ong pamatuod nga ang atong Bibliya karon naghawas sa orihinal nga inspiradong sinulat? [si p. 118 par. 6] Ang teksto sa Linukot nga Basahon ni Isaias sa Patayng Dagat maoy duolag usa ka libo ka tuig nga mas karaan kay sa labing karaan nga naglungtad nga manuskrito sa Masoretikong teksto ug aduna kiniy samang pagtulon-an sa Masoretikong teksto. Ang pagtandi nagbutyag nga aduna lamay pipila ka gagmayng mga kalainan sa espeling ug pipila ka kalainan sa kahan-ayan sa gramatika.
10. Unsay makatabang sa mamumulong aron mamenosan ang iyang paggamit ug daghang nota? [be p. 42 par. 1] Kinahanglang organisahon sa mamumulong ang iyang materyal ilalom sa pipila lang ka pangunang mga punto, tangtangon ang dili gayod mosuportar niini, ug tagikon ang iyang mga ideya sa organisadong paagi.
SENEMANANG PAGBASA SA BIBLIYA
11. Nganong “kadtong nagapangita kang Jehova makasabot [man] sa tanang butang”? (Prov. 28:5) Ang “tanang butang” nagtumong sa tanang gikinahanglan aron makaalagad kang Jehova sa dalawatong paagi, nga naglakip sa kahibalo sa moral nga mga sukdanan sa Diyos. Kadtong nangita kang Jehova pinaagi sa pag-ampo ug pagtuon sa Bibliya makasabot kon unsay kinahanglan nilang buhaton aron makaalagad kang Jehova sa dalawatong paagi. Sa kasukwahi, kadtong nagabuhat ug daotan dili makasabot kon unsay husto ug wala ilhang mga alagad sa Diyos. [Nob. 6, w06 9/15 “Ang Pulong ni Jehova Buhi—Mga Haylayt Gikan sa Basahon sa Proverbio”; w87 5/15 p. 30]
12. Sa unsang paagi “ang kahago sa mga hungog nagapaluya kanila”? (Eccl. 10:15) Ang “mga hungog” sagad mosulti ug mobuhat ug binuang, nga gipasukad sa ilang hugot nga pagsunod sa sayop nga pagtuo. (Eccl. 10:12-14) Mosangpot lang kini sa ilang kahago ug kaluya tungod kay diyutay rang kalamposan ang ilang nakita sa ilang mga paningkamot. Ila rang gilisodlisod ang ilang kaugalingon. [Nob. 20, w06 11/1 “Ang Pulong ni Jehova Buhi—Mga Haylayt Gikan sa Basahon sa Ecclesiastes”; w77-E p. 698-9]
13. Sa unsang paagi ang dalagang Sulamita napamatud-ang sama sa “usa ka tanaman nga gialihan,” ug sa unsang paagi siya usa ka maayong panig-ingnan alang sa dili-minyong Kristohanong mga babaye? (Awit 4:12) Ang malumong mga pagmahal sa dalagang Sulamita nahisama sa usa ka matahom nga tanaman nga gialihan o giparilan nga masulod lamang pinaagi sa trinangkahan nga ganghaan, sa ingon walay makapangahas sa pagsulod. Ang iyang mga pagbati dili ikahatag ngadto kang bisan kinsang lalaki kondili kini gitagana lamang ngadto sa iyang umaabot nga bana. Pagkamaayong panig-ingnan sa moral nga kalig-on alang sa dili-minyong Kristohanong mga babaye! [Nob. 27, w06 11/15 “Ang Pulong ni Jehova Buhi—Mga Haylayt Gikan sa Awit ni Solomon”]
14. Pinaagi sa pagdapit sa mga Israelinhon sa ‘pagtul-id sa mga butang,’ nagpasabot ba kini nga si Jehova andam rang makig-areglo sa iyang katawhan? (Isa. 1:18a) Wala. Ang bersikulo wala maghisgot bahin sa pagbayloayg mga ideya tali sa mga managsama. Ang maong pagdapit nagtumong sa usa ka panagtigom aron tinoon ang hustisya ni Jehova. Gidapit ni Jehova ang mga Israelinhon sa paghinulsol ug sa paghinlo sa ilang moral ug espirituwal nga pagkadaotan. (Isa. 1:16, 17) Siya nagsaad nga kon ilang ‘tul-iron ang mga butang,’ iyang pasayloon sila. (Isa. 1:18b, 19) [Dis. 4, ip-1 p. 26-9 par. 9-18]
15. Sa unsang paagi ang Isaias 11:6-9 natuman sa karaang panahon, ug unsa ang mas dakong katumanan niini? Nahiuyon sa pulong ni Jehova, sa ilang pagpauli sa ilang yutang natawhan gikan sa pagkabihag sa Babilonya ug sa didto na sila sa ilang nasod sa 537 W.K.P., ang mga Israelinhon walay angayng kahadlokan nga mapintas nga mga mananap o samag-mananap nga mga tawo. Sa susama, sukad sa 1919, tungod sa pagkabaton ug “kahibalo kang Jehova” ug sa iyang Pulong, ang mga tawo nag-usab sa ilang mga kinaiya. (Col. 3:9, 10) Pananglitan, ang kanhing pintas nga mga tawo nahimong makigdaiton ug nagtagamtam na karon sa espirituwal nga paraiso. Sa umaabot nga bag-ong kalibotan, ang katawhan sa Diyos dili na usab mobating nameligro sa mga tawo o sa mga mananap. [Dis. 18, ip-1 p. 163-4 par. 12-15]