Mga Pahibalo
◼ Tanyag nga literatura sa Pebrero: Itanyag ang librong Pakigsuod Kang Jehova. Kon wala kamoy estak niining libroha, mahimo ninyong itanyag ang librong Kahibalo o ang bisan unsang daandaang publikasyon. Marso: Itanyag ang librong Gitudlo sa Bibliya ug paningkamoting makasugod ug mga pagtuon sa Bibliya. Abril ug Mayo: Itanyag ang tagsatagsa ka kopya sa Ang Bantayanang Torre ug Pagmata! Sa dihang magbalikduaw sa interesadong mga tawo, lakip niadtong nakatambong sa Memoryal apan dili aktibong nakig-uban sa kongregasyon, paningkamoting mapahimutang ang librong Gitudlo sa Bibliya uban ang tumong nga makasugod ug pagtuon sa Bibliya.
◼ Ang ulohan sa espesyal nga pakigpulong publiko sa Dominggo, Abril 15, 2007 maoy “Mahimong Mobati Kang Luwas Niining Gubot nga Kalibotan!” Ingong pahinumdom, ang mga kongregasyon nga may duaw sa magtatan-aw sa sirkito, sirkitong asembliya, o adlaw sa espesyal nga asembliya sa maong hinapos sa semana angayng maghimo sa ilang espesyal nga pakigpulong sa Abril 22, 2007. Ang mga kongregasyon nga may miting publiko sa laing adlaw nga dili sa Dominggo mahimong mag-eskedyul sa espesyal nga pakigpulong sa Abril 16-21, 2007.
◼ Angayng repasohon sa sekretaryo ug sa magtatan-aw sa pag-alagad ang kalihokan sa tanang regular payunir sa kataposan sa Pebrero. Kon adunay naglisod sa pagkab-ot sa kinahanglanong oras, ang mga ansiyano kinahanglang mohimog kahikayan sa pagtabang kanila nga makab-ot ang ilang tinuig nga kinahanglanon inigka-Agosto 31, 2007.
◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Marso 1 o sa dili madugay nga maarangan human niana. Kon makompleto na kini, kini angayng ipahibalo sa kongregasyon dungan sa pagbasa sa sunod nga taho sa kuwenta ug sa sulat-pasalamat sa mga donasyon gikan sa sangang buhatan.
◼ Sa Dominggo, Pebrero 18, 2007, human sa Pagtuon sa Bantayanang Torre, dunay miting uban sa tanang nagplano nga mag-oksilyare payunir sa mga bulan sa Marso, Abril, ug Mayo. Ang magtatan-aw sa pag-alagad maoy modumala niining mitinga, nga magseguro nga dunay igong mga Application for Auxiliary Pioneer Service nga ikaapod-apod sa tanang motambong niining mitinga.