Mga Pahibalo

◼ Tanyag nga literatura sa Oktubre: Ang Bantayanang Torre ug Pagmata! Kon interesado, ipakita ug hisgoti ang tract nga Gusto Ka Bang Makabaton ug Dugang Kahibalo Bahin sa Bibliya? uban ang tumong nga makasugod ug pagtuon sa Bibliya. Nobyembre: Pagkakat-on Gikan sa Dakong Magtutudlo. Kon ang tagbalay moingon nga wala silay mga anak, itanyag ang brosyur nga Padayon sa Pagbantay! Disyembre: Mahimong itanyag ang bisan hain sa mosunod nga mga libro: Ang Labing Bantogang Tawo nga Nabuhi Sukad, Pakigsuod Kang Jehova, o Ang Sekreto sa Kalipay sa Pamilya. Enero: Mahimong itanyag ang bisan unsang 192-panid nga libro nga gipatik sa wala pa ang 1991. Ang mga kongregasyon nga walay suplay niining mga libroha mahimong magtanyag sa librong Kahibalo (kon mabatonan) o ang brosyur nga Padayon sa Pagbantay!

◼ Ang mga order alang sa 2008 Tinuig nga Basahon mahimo na karong ipadala sa sangang buhatan. Ang Yearbook Order Blank gipadala na uban sa inyong binulang kuwenta sa Agosto alang niini. Kinahanglang pil-apan kini sa mga koordinetor ug mga alagad sa literatura ug ibalik ang orihinal ngadto sa sangang buhatan nga dili maulahi sa Nobyembre 15, 2007.

◼ Duha ka kompletong programa sa Sign Language nga Distritong Kombensiyon ang gihikay niining tuiga, ang usa sa Quezon City ug ang ikaduha sa Cagayan de Oro City. Ang mga amang nga makasabot sa senyas nga pinulongan kinahanglang motambong niining mga kombensiyona kay walay laing programa para sa mga amang ang gihikay sa ubang mga kombensiyon.

◼ Sanglit ang Disyembre aduna may lima ka Sabado ug lima ka Dominggo, maayo kaayo kini nga bulan alang sa pag-oksilyare payunir.

◼ Ang video nga Transfusion-Alternative Health Care—Meeting Patient Needs and Rights hisgotan sa Tigom sa Pag-alagad sa Enero. Kon gikinahanglan, ang mga kopya kinahanglang orderon pinaagi sa kongregasyon sa labing sayong maarangan.

◼ Palihog matikdi nga ang brader nga modumala sa kataposang bahin sa Tigom sa Pag-alagad mao ang magpaila sa paniklop nga awit. Human niana, siya o ang laing kuwalipikadong brader nga giasayn daan mao ang mohatag sa paniklop nga pag-ampo.

◼ Bag-ong Publikasyon nga Mabatonan:

New World Translation of the Holy Scriptures (humok-ug-hapin nga edisyon)—Iloko