Mga Pahibalo
◼ Tanyag nga literatura sa Nobyembre: Pagkakat-on Gikan sa Dakong Magtutudlo. Kon ang tagbalay moingon nga wala silay mga anak, itanyag ang brosyur nga Padayon sa Pagbantay! Disyembre: Mahimong itanyag ang bisan hain sa mosunod nga mga libro: Ang Labing Bantogang Tawo nga Nabuhi Sukad, Pakigsuod Kang Jehova, o Ang Sekreto sa Kalipay sa Pamilya. Enero: Mahimong itanyag ang bisan unsang 192-panid nga libro nga gipatik sa wala pa ang 1991. Ang mga kongregasyon nga walay suplay niining mga libroha makatanyag sa librong Kahibalo (kon mabatonan) o ang brosyur nga Padayon sa Pagbantay! Pebrero: Mahimong itanyag ang librong Life—How Did It Get Here? By Evolution or by Creation? o ang Kalipay sa Pamilya.
◼ Sanglit ang Disyembre adunay lima ka Sabado ug Dominggo, maayo kaayo kini nga bulan alang sa pag-oksilyare payunir, bisan tuod mahimong daghan ang motambong sa distritong kombensiyon sa usa ka hinapos sa semana.
◼ Ang pasukip niining gulaa sa Atong Ministeryo sa Gingharian mao ang “Eskedyul sa Teokratikanhong Tunghaan sa Ministeryo sa 2008” ug angay kining tipigan ingong reperensiya para sa tibuok tuig 2008.
◼ Ang tseke nga mga donasyon alang sa tibuok-kalibotang buluhaton nga ihatag diha sa distritong mga kombensiyon ug kanang direktang ipadala ngadto sa sangang buhatan kinahanglang himoong payable to “Watch Tower.”
◼ Giawhag ang tanang magmamantala sa pagpil-ap ug usa ka durable power of attorney (DPA) nga kard kon wala pa sila niini. Kining DPA nga kard manalipod sa imong katungod sa pagdumili sa pagpaabonog dugo. Makahangyo ka sa mga ansiyano sa pagtabang kanimo kon gikinahanglan.—Tan-awa ang pasukip sa Enero 2007 nga Atong Ministeryo sa Gingharian.
◼ Ang mga magmamantala dili na kinahanglang maghatag ug Study Report (S-3) alang sa matag pagtuon sa Bibliya nga nadumala sa maong bulan. Hinuon, ila gihapong isulat ang gidaghanon sa mga pagtuon sa Bibliya nga ilang nadumala diha sa nahiangayng luna sa Field Service Report (S-4). Sugod karon, ang pormang S-3 gamiton na lamang sa pagtala sa tumatambong sa tigom sa kongregasyon.
◼ Kausaban sa Distritong Kombensiyon: Ang distritong kombensiyon nga himoon unta sa Nabunturan, Compostela Valley pagahimoon na karon sa Compostela imbes sa Nabunturan sa samang petsa, Disyembre 21-23, 2007.