Mga Pahibalo

◼ Tanyag nga literatura sa Septiyembre: Unsay Tinuod nga Gitudlo sa Bibliya? Kon aduna na niining libroha ang tagbalay, ipakita kon sa unsang paagi iyang mapahimuslan kini pinaagi sa pagpasundayag ug mubong pagtuon sa Bibliya. Oktubre 1-19: Bantayanang Torre ug Pagmata! Oktubre 20–Nobyembre 16: Espesyal nga pagpanagtag sa tract nga Gusto Ka Bang Mahibalo sa Kamatuoran? Nobyembre 17-30: Unsay Tinuod nga Gitudlo sa Bibliya? Disyembre: Itanyag ang librong Ang Labing Bantogang Tawo nga Nabuhi Sukad. Kon sila may mga anak, itanyag ang Pagkakat-on Gikan sa Dakong Magtutudlo.

◼ Sanglit ang Nobyembre aduna may lima ka Sabado ug Dominggo, maayo kaayong mag-oksilyare payunir niining bulana.

◼ Ang librong Gitudlo sa Bibliya mao gayoy gamiton sa pagsugod ug pagdumalag mga pagtuon sa Bibliya inay ang brosyur nga Gikinahanglan. Kining brosyura ikatanyag gihapon sa ministeryo hangtod mahurot ang suplay.

◼ Kinahanglang awditon sa nagadumalang magtatan-aw o sa usa nga iyang gitudlo ang kuwenta sa kongregasyon sa Hunyo, Hulyo, ug Agosto. Human sa pag-awdit, kinahanglang ipahibalo kini sa kongregasyon sa dihang basahon ang sunod nga taho sa kuwenta.​—Tan-awa ang Instructions for Congregation Accounting (S-27).

◼ Ang mga ansiyano gipahinumdoman sa pagsunod sa mga instruksiyon diha sa panid 21-3 sa Abril 15, 1991 nga Bantayanang Torre, mahitungod kang bisan kinsa nga napalagpot o nadis-asosyet nga tingali gusto nang mapasig-uli.