Mga Pahibalo

◼ Tanyag nga literatura sa Disyembre: Itanyag ang librong Ang Labing Bantogang Tawo nga Nabuhi Sukad. Kon ang tagbalay adunay mga anak, itanyag ang Pagkakat-on Gikan sa Dakong Magtutudlo. Enero: Itanyag ang daan-daang mga libro nga anaa sa estak, sama sa Kahibalo, Mabuhing Walay Kataposan, o Nahiusa sa Pagsimba. Ang bisan unsang libro nga gipatik una pa sa 1991 mahimong itanyag. Kon wala kamo nianang mga libroha, itanyag ang librong Gitudlo sa Bibliya. Pebrero: Depende sa inyong estak, mahimong itanyag ang bisan hain sa mga librong, Is There a Creator Who Cares About You?, Ang Sekreto sa Kalipay sa Pamilya, o Ang Bibliya​—Pulong sa Diyos o sa Tawo? Marso: Unsay Tinuod nga Gitudlo sa Bibliya? Paningkamoti nga makasugod ug mga pagtuon sa Bibliya.

◼ Kon wala ka sa kongregasyon sa kataposan sa Disyembre kay motambong ug distritong kombensiyon, seguroha nga ikahatag nimo ang imong taho sa pag-alagad sa kanataran ngadto sa magtatan-aw sa grupo o sa sekretaryo sa dili ka pa mobiya. Kon ikaw atoa sa layo, mahimo nimong itawag sa telepono o i-text ang imong taho, sa ingon ikaw mahimong “kasaligan sa labing gamay.”​—Luc. 16:10.

◼ Ang usa nga itudlo sa nagadumalang magtatan-aw angayng mag-awdit sa kuwenta sa kongregasyon alang sa mga bulan sa Septiyembre, Oktubre, ug Nobyembre. Human sa pag-awdit, kinahanglang ipahibalo kini sa kongregasyon sa dihang basahon ang sunod nga taho sa kuwenta.​—Tan-awa ang Instructions for Congregation Accounting (S-27).

◼ Ang tanang magmamantala nga wala pa makapil-ap sa kard nga durable power of attorney (DPA) giawhag sa paghimo niana. Kining DPA nga kard manalipod sa imong katungod sa pagdumili sa pagpaabonog dugo. Makahangyo ka sa mga ansiyano sa pagtabang kanimo kon gikinahanglan.​—Tan-awa ang pasukip sa Enero 2007 nga Atong Ministeryo sa Gingharian.

◼ Tinuig nga Teksto sa 2009: Ang tinuig nga teksto sa 2009 gikutlo sa Buhat 20:24: “Bug-os magpamatuod sa maayong balita.” Angayng itaod sa mga kongregasyon ang bag-ong tinuig nga teksto sa Kingdom Hall sugod sa Enero 1, 2009.

◼ Kausaban sa Distritong Kombensiyon: Ang kombensiyon sa Himamaylan, Negros Occidental ipahigayon sa Disyembre 12-14, 2008 imbes sa Disyembre 19-21 sumala sa gipahibalo sa miagi.