Mga Pahibalo

◼ Tanyag nga literatura sa Enero: Itanyag ang daan-daang mga libro nga anaa sa inyong estak, sama sa Kahibalo, Mabuhing Walay Kataposan, o Nahiusa sa Pagsimba. Pebrero: Depende sa inyong estak, mahimong itanyag ang bisan hain sa mga librong, Is There a Creator Who Cares About You?, Ang Sekreto sa Kalipay sa Pamilya, o Ang Bibliya​—Pulong sa Diyos o sa Tawo? Marso: Unsay Tinuod nga Gitudlo sa Bibliya? Abril ug Mayo: Ang mga magasing Bantayanang Torre ug Pagmata!

◼ Ang mga kongregasyon angayng mohimog mga kahikayan sa pagsaulog sa Memoryal niining tuiga nga pagahimoon sa adlawng Huwebes, Abril 9, human sa pagsalop sa adlaw. Bisan tuod maayo kon ang matag kongregasyon mohimog kaugalingong pagsaulog sa Memoryal, kini dili kanunayng posible. Kon daghang kongregasyon ang naggamit sa samang Kingdom Hall, ang usa o kapin pang kongregasyon mahimong mogamit ug laing pasilidad alang nianang gabhiona.

◼ Ang espesyal nga pakigpulong publiko niining tuiga himoon sa semana sa Abril 20, 2009, nga nagpasabot nga ang kadaghanan sa mga kongregasyon maghimo niini sa Abril 26, 2009. Ang tema niini maoy “Giuyonan ba sa Diyos ang Tanang Relihiyon?” Ang mga kongregasyon nga dunay duaw sa magtatan-aw sa sirkito o asembliya sa maong hinapos nga semana maghimo sa ilang espesyal nga pakigpulong sa mosunod nga semana. Walay kongregasyon nga maghatag ug espesyal nga pakigpulong publiko sa wala pa ang Abril 20.

◼ Sugod sa Marso 2009, ang bag-ong pakigpulong publiko sa mga magtatan-aw sa sirkito maoy “Isalikway ang Kalibotanong mga Tinguha, Pangagpasa ang Espirituwal nga mga Butang.”