Mga Pahibalo

◼ Tanyag nga literatura sa Abril ug Mayo: Ang Bantayanang Torre ug Pagmata! Sa dihang magbalikduaw niadtong nanambong sa Memoryal, paningkamoti nga makapahimutang sa librong Gitudlo sa Bibliya uban ang tumong nga makasugod ug pagtuon sa Bibliya. Hunyo: Unsay Tinuod nga Gitudlo sa Bibliya? Hulyo ug Agosto: Mahimong itanyag ang bisan unsang brosyur.

◼ Ang mga tomo sa 2008 nga Watchtower ug Awake! hapit nang mabatonan ug mahimo nang orderon karon sa sangang buhatan. Hinumdomi nga kini maoy special request nga mga publikasyon ug angay lang orderon kon adunay tino nga order gikan sa mga magmamantala. Kon wala pa ang mga tomo sa dihang madawat ang inyong mga order, kini ipakita ingong “back-ordered” ug ang mga tomo ipadala dayon namo kon madawat na kini gikan sa sanga nga nag-imprenta niini.

◼ Ang sangang buhatan kinahanglang maghupot sa kinaulahiang rekord sa mga adres ug mga numero sa tanang koordinetor sa lawas sa mga ansiyano ug mga sekretaryo. Kon adunay kausaban niini sa bisan unsang panahon, ang Komite sa Pag-alagad sa Kongregasyon angayng magpil-ap, magpirma ug magpadala dayon sa pormang Change of Address o S-29 sa sangang buhatan.