Mga Pahibalo

◼ Tanyag nga literatura sa Nobyembre: Unsay Tinuod nga Gitudlo sa Bibliya? Kon aduna na niining libroha ang tagbalay, mahimong itanyag sa mga magmamantala ang bisan unsang 192-panid nga libro nga gipatik una pa ang 1995. Disyembre: Ang Labing Bantogang Tawo nga Nabuhi Sukad. Kon adunay mga bata diha sa pamilya, itanyag ang librong Pagkakat-on Gikan sa Dakong Magtutudlo. Enero: Unsay Tinuod nga Gitudlo sa Bibliya? Kon aduna na niining libroha ang tagbalay, mahimong itanyag ang bisan unsang 192-panid nga libro nga gipatik una pa ang 1995. Pebrero: Ang Sekreto sa Kalipay sa Pamilya o Ang Bibliya—Pulong sa Diyos o sa Tawo?

◼ Angay nga iapod-apod dayon ngadto sa mga igsoon ang bag-ong mga gula sa Ang Bantayanang Torre ug Pagmata! sa dihang madawat na kini sa kongregasyon. Kini maghatag ug higayon sa mga magmamantala nga matun-an dayon ang mga magasin ug masinati sa mga kaundan niini sa dili pa nila kini itanyag diha sa kanataran.

◼ Ang mga indibiduwal nga buot mohatag ug donasyon alang sa tibuok-kalibotang buluhaton pinaagig tseke, diha man sa sangang buhatan o sa distritong kombensiyon, angayng maghimo niana nga payable to “Watch Tower.”

◼ Ang tanang magmamantala nga wala pa makapil-ap ug durable power of attorney (DPA) nga kard giawhag sa pagpil-ap niana. Kining maong DPA nga kard manalipod sa imong katungod nga dili magpaabonog dugo. Ang mga ansiyano motaganag tabang kon gikinahanglan.—Tan-awa ang pasukip sa Enero 2007 nga Atong Ministeryo sa Gingharian.