Pahibalo

◼ Tanyag sa Abril ug Mayo: Bantayanang Torre ug Pagmata! Sa pagbalikduaw niadtong mitambong sa Memoryal, paningkamoti nga makapahimutang ug librong Gitudlo sa Bibliya sa tumong nga makasugod ug pagtuon sa Bibliya. Hunyo: Unsay Tinuod nga Gitudlo sa Bibliya? Hulyo ug Agosto: Mahimong itanyag ang bisan unsang brosyur.

◼ Sa dili madugay mabatonan na ang 2009 nga mga tomo sa Bantayanang Torre ug Pagmata! ug mahimo na kining orderon. Hinumdomi nga kini maoy mga special request item, ug angay lang orderon kon dunay magmamantala nga moorder niini. Kon moabot na ang mga order apan wala malakip ang tomo, makita kini sa listahan ingong “back-ordered” ug kini ipadala dayon sa dihang moabot na gikan sa sangang buhatan nga nag-imprenta niini.

◼ Ang mga kongregasyon walay himoong Pagtuon sa Kongregasyon sa Bibliya, Teokratikanhong Tunghaan sa Ministeryo, ug Tigom sa Pag-alagad sa mga semana sa sirkitong asembliya, espesyal nga asembliya, ug distritong kombensiyon. Sa maong kahimtang, gidasig namo ang tanan nga tun-an ang mga materyal sa maong tulo ka tigom panahon sa Pamilyahanong Pagsimba o personal nga pagtuon.