Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon sa Teokratikanhong Tunghaan sa Ministeryo sa semana nga magsugod sa Agosto 30, 2010. Dumalahon sa magtatan-aw sa tunghaan ang 20-minutos nga repaso pinasukad sa materyal nga gikobrehan sa mga asaynment sa mga semana sa Hulyo 5 hangtod sa Agosto 30, 2010.

1. Sa unsang paagi ang pagpamalandong sa pag-ampo ni Solomon sa pagdedikar sa templo makatabang kanato nga mas mapabilhan ang personalidad ni Jehova? (1 Hari 8:​22-53) [w05 7/1 p. 30 par. 3; it-2 p. 989 par. 4]

2. Nganong ikaingon nga si David naglakaw uban kang Jehova “uban ang integridad sa kasingkasing” bisan pag daghan siyag sala? (1 Hari 9:4) [w97 5/1 p. 5 par. 1-2]

3. Nganong ang rayna sa Sheba miingon kang Solomon: “Malipayon kining imong mga alagad nga nagabarog sa imong atubangan sa kanunay, nga nagapamati sa imong kaalam!”? (1 Hari 10:​4-8) [w99 11/1 p. 20 par. 5-7]

4. Unsay atong makat-onan bahin sa pagsugo ni Jehova nga hatagan si Abias ug desenteng lubong? (1 Hari 14:13) [cl p. 244 par. 11]

5. Nganong talagsaon ang tayming sa pagduaw ni Elias kang Ahab? (1 Hari 17:1) [w08 4/1 p. 19, kahon]

6. Unsay gipasabot ni Elias sa pamulong nga ‘pagkiangkiang sa duha ka lainlaing hunahuna’? (1 Hari 18:21) [w08 1/1 p. 19 par. 3-4]

7. Sama sa kahimtang ni Elias, nganong mogamit man si Jehova sa iyang gahom alang sa iyang mga alagad? (1 Hari 19:​1-12) [cl p. 42-43 par. 15-16]

8. Nganong wala ibaligya ni Nabot ang iyang parasan kang Ahab, ug unsay atong makat-onan gikan niini? (1 Hari 21:3) [w97 8/1 p. 13 par. 18-20]

9. Sa unsang paagi “gilisodlisod” sa babaye sa Sunem ang iyang kaugalingon sa pag-abi-abi kang Elias? (2 Hari 4:13) [w97 10/1 p. 30 par. 6-8]

10. Nganong wala dawata ni Elias ang gasa ni Naaman? (2 Hari 5:​15, 16) [w05 8/1 p. 9 par. 2]