Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon sa Teokratikanhong Tunghaan sa Ministeryo sa semana nga magsugod sa Disyembre 26, 2011.

1. Sa unsang paagi ang tambag diha sa Proverbio 30:32 makatabang kanato nga dili makasultig mga pulong nga dugang nga makahagit sa kasuko sa usa nga tingali nasilo kanato? [w87 5/15 p. 30 par. 11]

2. Unsang matang sa “pagmaya” nga ang usa mobatig kahaw-ang? (Eccl. 2:1) [g 4/06 p. 6 par. 1-2]

3. Bisan tuod ang uban moingon nga ang mga pulong ni Solomon sa Ecclesiastes 3:1-9 nagsuportar sa pagtuo sa kapalaran, sa unsang paagi tin-awng gipakita sa Ecclesiastes 9:11 nga ang tanang panghitabo sa kinabuhi wala gitakda nang daan? [w09 3/1 p. 4 par. 4]

4. Unsay kapeligrohan sa “pagpalabi sa pagkamatarong”? (Eccl. 7:16) [w10 10/15 p. 9 par. 8-9]

5. Sa unsang paagi gipakita sa Awit ni Solomon 2:7 nga kadtong magplanong magminyo dili magdalidali sa pagpilig kapikas? [w06 11/15 p. 19 par. 1; w80 10/15 p. 19 par. 7 (w80-E 4/15 p. 19 par. 7)]

6. Unsay kahulogan sa mga ekspresyong ‘ang dugos sa udlan nagatulo sa ngabil’ sa Sulamita, ug ang ‘dugos ug gatas anaa sa ilalom sa iyang dila’? (Awit 4:11) [w06 11/15 p. 19 par. 6]

7. Sa unsang paagi ang mga titulong “Kahibulongang Magtatambag,” “Diyos nga Gamhanan,” ug “Amahang Walay Kataposan” makahatag kanatog lalom nga pagsabot bahin sa mga hiyas ni Jesus ug sa iyang pagmando sa bag-ong kalibotan? (Isa. 9:6) [w91 4/15 p. 5 par. 7]

8. Kinsa karon ang ikatandi ngadto sa “apostatang nasod” sa Israel, ug kinsay magsilbing “olisi” ni Jehova aron malaglag kini? (Isa. 10:5, 6) [ip-1 p. 145 par. 4-5; p. 153 par. 20]

9. Nganong talagsaon kaayo ang tagna ni Isaias nga ang Babilonya “dili na gayod pagapuy-an,” ug sa unsa kita makasalig karon sa katumanan niini? (Isa. 13:19, 20) [g 11/07 p. 9 par. 4-5]

10. Kanus-a nadawat ni Jesus ang “yawi sa balay ni David,” ug sa unsang paagi niya kini gigamit? (Isa. 22:22) [w09 1/15 p. 31 par. 2]