Pagpauswag sa Atong Kahanas sa Ministeryo—Pagsugod ug Bible Study Diha sa Pultahan Gamit ang Brosyur nga Maayong Balita Gikan sa Diyos!
Kon Nganong Hinungdanon: Kinahanglan tang motudlo bahin sa Pulong sa Diyos aron makahimog tinun-an. (Mat. 28:19, 20) Kitang tanan mahimong epektibong mga magtutudlo kon atong gamiton ang mga himan nga gihatag kanato. Ang brosyur nga Maayong Balita Gikan sa Diyos! gidisenyo aron matabangan ta sa pagtudlo sa kamatuoran ngadto sa uban. Gani, ato kining magamit sa pagsugod ug Bible study bisag diha ra sa pultahan sa atong unang pagduaw.
Sulayi Karong Bulana:
Iampo nga mapukaw ang imong tinguha sa pagdumalag Bible study. Pangayo sab ug tabang kang Jehova nga makasugod ug Bible study ug mahimong epektibong magtutudlo sa kamatuoran.—Filip. 2:13.
Panahon sa pamilyahanong pagsimba o personal nga pagtuon, paggahin ug panahon nga matun-an pag-ayo ang presentasyon. Sa ingon, mahimong makapakombinsir ang imong pagsulti ug makasugod kag Bible study bisag diha ra sa pultahan.