Kanus-a na sab Ko Makaoksilyare Payunir?

Ang panan-awon ni Ezequiel bahin sa templo nagpakita nga ang katawhan ni Jehova mohatag ug boluntaryong mga halad. Sa unsang paagi kita mismo makahatag ug mga halad sa pagdayeg?​—Heb 13:15, 16.

Ang usa sa pinakamaayong paagi mao ang pag-aplay ingong oksilyare payunir. Sa 2018 nga tuig sa pag-alagad, dunay mga bulan nga may lima ka Sabado o lima ka Dominggo. Makatabang gyod ni niadtong mga full-time sa trabaho ug sa Sabado ug Dominggo lang makasangyaw. Makapili pod ang mga magmamantala kon 30 o 50 ka oras ba ang ilang kab-oton sa mga bulan sa Marso ug Abril ug sa bulan nga moduaw ang tigdumala sa sirkito.

Komosta kon dili ta makaoksilyare payunir tungod sa atong kahimtang? Puwede gihapon natong mapauswag ang kalidad sa atong ministeryo ug dugangan ang panahon para niana. Bisag unsa pay atong kahimtang, hinaot nga ang atong gugma kang Jehova mopalihok nato sa paghatag sa atong kinamaayohan panahon sa 2018 nga tuig sa pag-alagad!​—Os 14:2.

TAN-AWA ANG VIDEO NGA SA TABANG NI JEHOVA, MAHIMO NAKO ANG HALOS TANANG BUTANG, UG DAYON TUBAGA ANG MOSUNOD NGA MGA PANGUTANA:

• Unsay nakadasig kang Sabina nga pauswagon pa ang iyang pag-alagad kang Jehova?

• Sa unsang paagi nadasig ka sa panig-ingnan ni Sabina?

• Sa 2018 nga tuig sa pag-alagad, unsa nga (mga) bulan nga puwede kang makaoksilyare payunir?