Nagmatikod ba Ka sa Tubag sa Imong mga Pag-ampo?

Sa Bibliya, naay daghang pag-ampo nga gitubag ni Jehova. Dihang nakita sa mga alagad sa Diyos nga namati si Jehova sa ilang personal nga mga kabalaka ug gitabangan sila, seguradong nalig-on ang ilang pagtuo. Busa, mas maayong espesipiko ang atong personal nga mga pag-ampo ug maningkamot tang makita ang tubag ni Jehova. Hinumdomi nga ang iyang tubag posibleng lahi o labaw pa sa atong gihangyo. (2Co 12:7-9; Efe 3:20) Unsa kahay tubag ni Jehova sa atong mga pag-ampo?

• Pisikal, emosyonal, o espirituwal nga kalig-on sa pag-atubang sa problema.​—Flp 4:13

• Kaalam sa paghimog maayong desisyon.​—San 1:5

• Tinguha ug kusog sa paghimo sa usa ka butang.​—Flp 2:13

• Kalmadong hunahuna dihang mabalaka.​—Flp 4:6, 7

• Pisikal o emosyonal nga tabang gikan sa uban.​—1Ju 3:17, 18

• Tabang para niadtong giampo nato.​—Buh 12:5, 11

TAN-AWA ANG VIDEO NGA SI JEHOVA ANG “TIGPATALINGHOG SA PAG-AMPO,” DAYON TUBAGA ANG MOSUNOD NGA MGA PANGUTANA:

• Sa unsang paagi madasig ta sa eksperyensiya ni Brader Shimizu kon limitado na ang atong mahimo tungod sa problema sa panglawas?

• Unsaon nato pagsundog si Brader Shimizu?