Pagpasaylo sa mga Sala Bisag Wala pa ang Lukat

Mapasaylo lang ang atong mga sala tungod sa halad lukat nga gibayad ni Jesus pinaagi sa iyang dugo. (Efe. 1:7) Pero ang Bibliya nag-ingon: “Tungod sa . . . pagkamapailobon [sa Diyos] gipasaylo niya ang mga sala nga nahitabo sa nangagi,” sa ato pa, sa wala pa gihatag ni Jesus ang lukat. (Roma 3:25) Nganong nakahimo man si Jehova sa pagpasaylo sa mga sala bisag wala pa ang lukat ug sa samang higayon nasunod gihapon ang iyang hingpit nga sukdanan sa hustisya?

Si Jehova nagsaad nga maghatag siyag “kaliwat” nga magluwas niadtong magpakitag pagtuo kaniya ug sa iyang mga saad. Sukad nga iya nang gisaad, para niya samag nabayran na ang lukat. (Gen. 3:15; 22:18) Segurado gyod ang Diyos nga sa iyang gitakdang panahon, kinabubut-ong ihatag sa iyang bugtong nga Anak ang lukat. (Gal. 4:4; Heb. 10:​7-10) Sa dinhi si Jesus sa yuta ingong representante sa Diyos, naa siyay awtoridad sa pagpasaylo sa mga sala bisag wala pa mahatag ang lukat. Nahimo niya ang pagpasaylo sa mga sala niadtong may pagtuo kay iya nang gipadapat daan ang bili sa halad nga iyang itanyag.—Mat. 9:​2-6.