Pagnegosyog Lamas

NIADTONG ika-16 nga siglo, ang pagnegosyog lamas nakapakusog sa ekonomiya sa kalibotan, sama sa epekto sa pagnegosyog krudo karon. Mahal kaayo sa Europe ang mga lamas sama sa nutmeg ug cloves, nga gikan sa Spice Islands (karon mga probinsiya sa Maluku ug North Maluku sa Indonesia).

Ang mga eksplorer sama ni Christopher Columbus, Vasco da Gama, Ferdinand Magellan, Samuel de Champlain, ug Henry Hudson nangitag mga ruta padulong sa Spice Islands. Tungod sa pagpangitag mga lamas, nasabtan sa mga tawo kaniadto ang geograpiya sa yuta.