Paggrado Kanako

Sa unsang paagi gradohan sa katawhan ang ilang kaugalingon sa mga hiyas sama sa pagpanguna ug sa ilang katakos sa pagpakig-uban sa uban? Ang College Board nangutana niini sa 10 ka milyong Amerikanong kabatan-onan. “Sa paghukom pinasukad sa ilang mga tubag, ang mga hayskul senyor sa Amerika wala madaot sa pagbati sa pagkaubos, misulat ang sikologong si David G. Myers. “Sa ‘pagpanguna nga katakos,’ 70 porsiento ang naggrado sa ilang kaugalingon nga labaw sa aberids, 2 porsiento ang ubos sa aberids. . . . Sa ‘katakos sa pagpakig-uban sa uban,’ sero porsiento sa 829,000 ka estudyante nga mitubag ang naggrado sa ilang kaugalingon nga ubos sa aberids; 60 posiento sa kinatas-ang 10 porsiento; ug 25 porsiento ang nakakita sa ilang kaugalingon nga apil sa kinatas-ang 1 porsiento!”