Usa ka Sungkod nga Pulong, You Know?

Sa kasagaran wala lamang makaamgo niana, minilyong katawhan sa adlaw-adlaw mogamit ug “sungkod” nga pulong. Mahimong kini maoy mga pulong, prase, o mga tingog nga dili makadugang sa kahulogan sa gipamulong. Nan nganong gigamit sila? Sa pagpasalig sa tawong nagasulti, aron makapadayon siya sa bakikawng gutlo sa pagsultihay, o tingali sila maoy dili tinuyong batasan.

Ang usa ka sungkod nga nakasulod sa Ingles nga pinulogan mao ang pulong nga kanunayng gigamit “You Know” o abi nimo, usahay mub-ong “Yʹknow.” Ang magsusulat ug tigsibya si Edwin Newman nangutana diha sa iyang librong Strictly Speaking, “Mahimo bang hunongon ang paggamit sa prase? Sa hunahunako mao ang Yʹknow. Ang pagkakaylap sa paggamit sa Yʹknow mao ang labing taas ug abot ug makapikal nga mga kaugmaran sa atong panahon, makadaot sa pagsultihay bisan asa ka moadto. . . . Sa makahawid kini, ang Yʹknow malisod nga isalikway. . . . Kanunay kang makadungog nga gamiton sa makadaghan ang Yʹknow sa usa ka minuto.”

Nganong maayong hatagag pagtagad ang kalidad sa atong pagsulti? Si Newman miingon: “Ang direkta ug tukmang pinulongan, kon madala ang tawo sa paggamit niini, makahimo sa pagsultihay nga makawiwili, nga dili usa ka gamayng butang; makabulig kini sa pagpuli sa mga kamatuoran sa dili matuod, nga dili gamayng butang usab; ug makapukaw kini sa batasan sa organisadong hunahuna ug bisan sa panagsang kahilom, nga mahimong dili masukod nga panalangin.”