Kon Magsakit ang Imong Ulo

UNSAY imong buhaton aron mahupayan sa sakit? Ang tambal sa sakit sa ulo nga makawala sa sakit sa ubang mga tawo nga sama sa medisina mao ang pakete sa yelo. Dugay nang gigamit aron makahuwas sa mga hilanat ug mga lisa, ang yelo makahupay usab sa sakit sa ulo, sumala sa bag-o nga pagtuon. Ang paggamit ug yelo nakahatag kahumpayan sa 71 porsiento sa 90 ka pasyente nga nag-antos sa grabeng mga sakit sa ulo, lakip sa migraine. Namatikdang kapin sa katunga nahuwasan dayon sa sakit. Nganong moobra man kini?

“Ang hinungdan sa sakit sa ulo mao ang pagbukad sa mga ugat sa dugo,” misaysay si Dr. Seymour Diamond, direktor sa klinika sa sakit sa ulo sa Chicago. “Mohiyos tungod sa kabugnaw kining mga ugata.” Siya mirekomendar sa pagbutang ug dugmok nga yelo diha sa bag nga plastik ug ibutang kini sa imong agtang sulod sa 30 ngadto sa 45 minutos samtang naglingkod o naghigda. Bation nimo ang dihadihang kahumpayan tungod sa makapaminhod nga epekto sa yelo.