Mga Tunok sa Porcupine

Nasayod Ka Ba—

◯ Pilay tunok sa porcupine?

◯ Kini ba mopasulpot sa iyang tunok diha sa tig-atake?

◯ Nganong kining mga tunok tagsa rang makaimpeksiyon sa biktima, apan mopahinabo usahayg kamatayon?

ANG 30,000 o sobra pang mga tunok nga padayong nagapuli sa kaugalingon dili gayod gamiton sa agresibong paagi kondili sa pagdepensa lamang; ni mopasulpot ang porcupine sa iyang mga tunok. Tinuod, dihang ihampas niini ang punog tunok nga ikog diha sa tig-atake, ang ubang mga tunok mosulpot apan kulang sa kusog nga makataop sa bisan unsa. Dihang ang gilabyog nga ikog maigo sa tig-atake, lisod kaayong kuhaon ang mga tunok.

Sa pila ka tuig nga milabay, usa ka biyologo nakasugat ug masakit nga engkuwentro sa porcupine. Ang usa ka tunok midulot ug 25 sentimetros sa unod sa iyang bukton sa wala pa motungha sa duha ka adlaw sa ulahi. Walay impeksiyon. Iyang gisusi ang ubang mga tunok ug natingala sa pagkakita nga sila dunay dili-maisog nga mga sambog nga antibiotiko. Tungod ning maong katarongan, panagsa rang makaimpeksiyon ang mga tunok.

Apan, kon ang may sima nga ulo sa tunok motaop sa unod ug maigo ang pangunang mga organo, mopahinabo kinig kamatayon sa biktima niini. Ug kon motaop ang tunok sa baba sa mananap nga sa ingon dili na kini makakaon, mamatay sa gutom ang mananap.

Ang dugang bonus mao nga ang mga tunok nagalihok sama sa usa ka diyaket sa paglutaw dihang ang porcupine modesider sa pagkaon sa pagboritong kalan-on—mga water lily. Sama sa mananap mismo, ang tunok sa tinuod maoy produkto sa usa ka intelihenting Tigdesinyo.

[Tinubdan sa Letratro sa panid 31]

Elizabeth Joy/National Park Service