Kon Unsay Nahibaloan sa Bata nga Gisabak Pa

ANG dili pa dugay nga pagdukiduki nagpamatuod nga ang usa ka gisabak pa nga bata mas maapektohan hinoon sa ginakaon sa inahan, sa mga droga nga tingali iyang gigamit, o kon siya nagtabako o wala. Ang bata nga gisabak pa makadungog usab sa ginapamatian sa inahan ug dayag nga maapektohan.

Sa pag-ilustrar: Ang direktor sa musika sa Hamilton Philharmonic Orchestra sa Ontario, Canada, mitaho nga sa bata pa siya, ang nagkalainlaing mga piyesa sa musika nga iyang gibansaybansay daw pamilyar, bisag siya wala pa makakita niana sukad. Kining bahin sa cello kanunay sa pagkakatingalahan siya pamilyar. Gisultihan niya ang iyang inahan, usa ka propesyonal nga tigtugtog ug cello, mahitungod niini. Sa dinha, sa nangutana ang inahan, sa mga ngalan sa mga piyesa sa musika nga iyang gibansaybansay, nasulbad ang misteryo. Samtang nagsabak pa siya kaniya, siya miingon, kining mismong mga piyesa ang iyang gibansaybansay!

Karon, sumala sa usa ka kolumnista sa peryodiko si Erma Bombeck, usa ka medikal nga basahon sa Britanya nagtaho mahitungod sa usa ka problema nga gitawag sa basahon nga “pagkagiyanon sa bata nga gisabak pa sa drama.” Ang mga bata nga gisabak pa nahimong giyanon sa mga drama sa TV nga ginapamatian sa ilang mga mama. “Maayo unta ug nahibalo ako niini niadto sa nagsabak pa ako sa akong mga anak,” miingon si Bombeck. “Modukot unta ako sa pagtan-aw kanunay atubangan sa ‘The Waltons’” usa ka maayong programa sa telebisyon sa mga tuig nga milabay. Siya midugang: “Dili ikahibulong nga kita dunay mga anak nga gustong magpatusok sa ilang mga dalunggan sa edad 2, makigdeyt sa edad 9 ug magbaton ug ilang kaugalingong apartment sa edad 13.”