Halos Dili-Maantos nga Kasakit

Si Nicolle usa ka himsog nga bata. Apan, usa ka gabii niana naglabad pag-ayo ang iyang ulo, busa gidala siya sa iyang ginikanan sa ospital. Pagkasunod gabii, samtang anaa sa ospital, si Nicolle giatake sa kasingkasing. Gipadayag sa dugang mga eksaminasyon nga siya dunay dili komon nga impeksiyon nga nakaapektar sa iyang baga, rinyon, ug kasingkasing. Sulod sa 48 oras, si Nicolle namatay. Tres anyos pa lang siya.

ANG kamatayon sa usa ka minahal maoy usa sa labing makapaguol nga kasinatian sa tawo. Usahay, morag dili maantos ang kasakit. “Gimingaw kaayo ko ni Nicolle,” miingon si Isabelle, nga inahan sa bata. “Gimingaw ko sa iyang mga gakos, sa iyang baho, ug sa iyang kabuotan. Gihandom nako ang iyang paghatag nakog bulak kada adlaw. Kanunay kong maghunahuna kang Nicolle.”

Namatyan ka ba usab ug minahal—anak man, kapikas, igsoon, ginikanan, o suod nga higala? Kon mao, sa unsang paagi nimo masagubang ang imong kaguol?