Karaang Libro Para sa Modernong Panahon
Daghan ang nagtahod sa Bibliya kay nagtudlo kini bahin sa Diyos. Pero dili lang kana ang atong makat-onan sa Bibliya. Naa sab niy mga tambag nga makatabang sa atong adlaw-adlawng pagkinabuhi.
Matikdi kon sa unsang paagi nakabenepisyo ang uban sa ilang pagbasag Bibliya ug sa pagsunod sa mga tambag niini.
“Mas maayo na ang akong kinabuhi. Miarang-arang ang akong pagbati ug panghunahuna. Mas positibo na ko karon.”—Fiona.
“Tungod sa akong pagtuon sa Bibliya, naa nay tinuod nga katuyoan ug kahulogan ang akong kinabuhi.”—Gnitko.
“Dako kaayog nausab sa akong kinabuhi, ug nindot ang resulta. Simple na ang akong kinabuhi, ug mas daghan na kog panahon sa akong pamilya.”—Andrew.
Pipila lang nâ sa nindot nga mga eksperyensiya. Sa tibuok kalibotan, daghan ang nakaingon nga maayo kaayong giya ang Bibliya sa adlaw-adlawng pagkinabuhi.
Sayra kon sa unsang paagi ang Bibliya makatabang sa mga tawo sa ilang . . .
Panglawas
Emosyon
Relasyon sa pamilya ug panaghigalaay
Pinansiyal nga kahimtang
Espirituwalidad
Ipakita sa mosunod nga mga artikulo kon sa unsang paagi ang Bibliya dili lang libro bahin sa Diyos kondili makatabang sab kini kanimo sa daghang paagi.