Kaluwasan Gikan sa Ehipto Ngadto sa Unang Hari sa Israel

Si Moises nangulo sa mga Israelita gikan sa Ehipto ngadto sa Bukid sa Sinai, diin ang Diyos naghatag sa iyang mga balaod. Sa ulahi, si Moises nagpadala sa 12 ka lalaki sa pagpangespiya sa yuta sa Canaan. 10 kanila mibalik uban sa usa ka daotang taho. Ilang naaghat ang katawhan nga magtinguha sa pagbalik sa Ehipto. Tungod niini, ang mga Israelita gipalaaglaag sa kamingawan sa 40 ka tuig.

Sa kataposan, si Josue maoy napili sa pagpanguna sa mga Israelita ngadto sa yuta sa Canaan. Sa pagtabang kanila nga makuha ang yuta, si Jehova nagpahinabog mga milagro. Human sa unom ka tuig, ang yuta nailog gikan sa mga Canaanhon.

Sugod kang Josue, ang Israel gimandoan sulod sa 356 ka tuig pinaagi sa mga maghuhukom. Atong makat-onan ang daghan kanila, ug usab mahitungod sa pipila ka matinumanong mga babaye nga buhi nianang mga panahona. Sa kinatibuk-an, ang Bahin TRES nagakobreg 396 ka tuig sa kasaysayan.