Awit 110
Magmapasayloon
1. Ang Diyos ta mahigugmaon,
Anak niya gipadala
Aron ta iyang lukaton
Ug wad-on nang sala ta.
Kon kita mahinulsolon,
Ang pasaylo maangkon.
Kon lukat ni Kristo ilhon,
Siya magmapasayloon.
2. Ang Diyos lang nagapasaylo
Sa nanig-ingon kaniya,
Nga sa uban nagpasaylo,
May pagbati, may gugma.
Sanglit kita dili hingpit,
Makalapas ug daghan.
Sa mga pulong, buhat ta,
Pasaylo kinahanglan.
3. Ang kapait ug kasubo
Malikayan kon sundon
Nato ang gugma, kalumo,
Kalulot nga langitnon.
Kon uban pasayloon ta,
Hamtong ta, may pagsabot,
Ug makatabang ta nila
Sa kalinaw mokab-ot.
4. Pagpasaylo maoy hiyas
Nga angay tang ugmaron,
Sa kasilag ta magawas
Ug dili madumtanon.
Kon kita mapasayloon,
Nanig-ingon ta sa Diyos.
Kay siya man mapasayloon,
Dayegon ta siya sa bug-os.