Awit 163
Bunga sa Espiritu
1. Bunga sa espiritu sa Diyos
Angay tang pagaugmaron,
Aron kadungganan niya bug-os
Ug kinabuhi maangkon.
Nan, ipakita ta ang gugma
Sama sa Diyos ug dalisay
Ug magmaya ta sa kanunay,
Kay lig-onon sa kalipay.
2. Pakigdait sa Diyos huptan ta
Aron dunay paghiusa.
Kamainantoson ugmara,
Magpakita sa pasensiya.
Kalulot hiyas nga maayo
Kay mopahumok sa tawo,
Samtang tabang ang kamaayo
Sa pagsangyaw nga aktibo.
3. Pagtuo nagalig-on nato
Sa tumong sa kinabuhi.
Tilinguhaon ang kalumo,
Nagaabog sa lantugi.
Pagpugong sa kaugalingon,
Kini sab kinahanglanon.
Pabor sa Diyos atong maangkon,
Kon kini pagaugmaron.