Ang Paraisong Yuta

Katawhan nga lainlaig rasa nangaon diha sa Paraiso

Bug-os ipasig-uli ni Jehova sa maayong kahimtang ang tanang kadaot nga gihimo ni Satanas. Si Jehova naghimo kang Jesus nga Hari sa tibuok yuta. Ubos sa iyang pagmando, ang yuta himuon nga usa ka paraiso.—Daniel 7:13, 14; Lucas 23:43.

Si Jehova nagsaad niining mga butanga:

DAGHANG PAGKAON: “Ang yuta mismo tinong mohatag sa iyang abot; ang Diyos, ang atong Diyos, magpanalangin kanato.” “Daghan unya ang lugasong pagkaon sa yuta; sa ibabaw sa kabukiran dunay pag-awas.”—Salmo 67:6; 72:16.
WALA NAY GUBAT: “Umari, kamong katawhan, tan-awa ang mga buhat ni Jehova, kon giunsa niya paghimo ang katingalahang mga panghitabo sa yuta. Iyang gipahunong ang mga gubat hangtod sa kinatumyan sa yuta.”–Salmo 46:8, 9.
WALAY DAUTANG MGA TAWO: “Kay ang mga mamumuhat sa daotan pagaputlon . . . Ug mubo nga panahon na lang, ug ang dautan mahanaw na; ug tino mong susihon ang iyang dapit, ug wala na siya.“—Salmo 37:9, 10.
WALA NAY SAKIT, KAGUL-ANAN, O KAMATAYON: “Unya ang mga mata sa mga buta mangabuka, ug ang mga igdulongog sa mga bungol makadungog. Unya ang tawo nga piang molukso sama sa lagsaw, ug ang dila sa amang magaawit sa kalipay.”—Isaias 35:5, 6.

“Ug ang Diyos mismo magauban kanila. Ug iyang pahiran ang matag luha gikan sa ilang mga mata, ug ang kamatayon wala na, ug wala na usab unyay pagminatay ni paghilak ni kasakit. Ang unang mga butang nangagi na.”—Pinadayag 21:3, 4.

Dili sama kang Satanas ug sa mga demonyo, si Jehova dili mamakak bisan kanus-a. Ang tanan niyang saad matuman gayod. (Lucas 1:36, 37) Gihigugma ka ni Jehova ug buot niya nga mabuhi ka sa paraiso nga iyang ipatungha. Busa duol sa mga Saksi ni Jehova aron sayron ang dugang mahitungod sa katingalahang mga kamatuoran nga makaplagan sa Pulong sa Diyos. Kon imong ipadapat ang kamatuoran sa imong kinabuhi, mapahigawas ka sa pagkaulipon sa kabakakan, mga patootoo, ug pagkawalay-alamag. Moabot ang panahon, mapahigawas ka bisan gikan sa kaulipnan sa sala ug kamatayon. Sama sa giingon ni Jesus: “Kamo mahibalo sa kamatuoran, ug ang kamatuoran magahatag kaninyog kagawasan.”—Juan 8:32.