Ang Salamangka ug Pang-ungo Daotan

Buot ni Satanas nga ikaw magbuhat ug salamangka. Daghan ang naghalad ngadto sa mga katigulangan o mga espiritu aron panalipdan ang ilang kaugalingon sa kadaot. Gibuhat nila kini kay nahadlok sila sa mga gahom sa kalibotan sa espiritu. Magsul-ob silag mga singsing o pulseras nga may anting-anting. Manginom o manghaplas sila sa ilang lawas ug “mga lana” nga kunohay dunay gahomgahom. Sa ilang mga puy-anan o sa yuta, itago sa pipila ka tawo ang mga butang nga gituohang may mga gahom sa panagang. Ang uban mogamit ug “habak” kay nagtuo silang magpalampos kini sa ilang negosyo, mga pasulit sa eskuylahan, o pagpangulitawo.

Ang imong labing maayong panalipod batok kang Satanas mao ang paghimo kang Jehova ingon nga imong higala. Si Jehova nga Diyos ug ang iyang mga manulonda mas gamhanan kaayo kay kang Satanas ug sa iyang mga demonyo. (Santiago 2:19; Pinadayag 12:9) Andam si Jehova nga ipakita ang iyang kusog alang sa iyang mga higala​—kanilang bug-os nga maunongon kaniya.​—2 Cronicas 16:9.

Nag-ingon ang Pulong sa Diyos: “Dili gayod kamo magbuhat ug salamangka.” Gihukman ni Jehova ang salamangka ug pang-ungo kay kanang mga buhata direktang magbutang sa usa ka tawo ilalom sa gahom ni Satanas nga Yawa.​—Levitico 19:26.