Ilha si Jehova ug Alagara Siya

Unsay unod sa mga basahon sa 12 ka manalagna nga nagdasig kanato nga labi pang mailhan si Jehova? Nganong ang mga mensahe ni Jehova nga gipahayag sa maong mga manalagna mapuslanon kaayo karon? Samtang magtuon ka sa Kapitulo 4 hangtod sa 7 niining basahona, makakaplag kag mga sugyot kon sa unsang paagi angay kang magasimba sa Diyos ug magpadapat sa iyang mga sukdanan. Pananglitan, ingon sa iyang gidahom, sa unsang paagi ikaw magpasundayag ug hustisya diha sa imong mga pagpakiglabot? Sa pagkatinuod, makadiskobre ka nga kining 12 ka matagnaong mga basahon makapauswag sa imong pagkinabuhi karon.