Pagsuportar sa Gingharian—Buluhatong Pagpanukod ug Paghatag ug Hinabang

MISULOD ka sa Kingdom Hall ug halos dili na nimo kini mailhan. Garbo gyod nimo kini nga tinukod. May malipayon kang mga kaagi sa pagtabag tukod niini mga tuig ang milabay. Pero mas magarbohon ka karon, kay ang Kingdom Hall nahimong temporaryong butanganan sa mga hinabang. Tungod sa bagyo, gibaha ang inyong rehiyon, busa ang Branch Committee nag-organisar dayon nga matagan-an ang mga biktima ug pagkaon, sinina, hinlong tubig, ug uban pa. Ang gidonar nga mga hinabang maayong pagkapayl. Naglinya ang biktimang mga igsoon para manguha sa ilang gikinahanglan, nga sagad nanghilak sa kalipay.

Si Jesus miingon nga mailhan ang iyang mga sumusunod pinaagi sa ilang gugma sa usag usa. (Juan 13:34, 35) Niini nga seksiyon, hisgotan nato kon giunsa pagpakita sa mga Saksi ni Jehova ang Kristohanong gugma pinaagi sa mga proyekto sa pagpanukod ug paghatag ug hinabang. Ang maong gugma maoy lig-ong ebidensiya nga nagkinabuhi kita ilalom sa pagmando sa Gingharian ni Jesus.