Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • lfb leksiyon 98 p. 228-p. 229 par. 1
  • Midaghan ang mga Kristohanon

Walay video nga available.

Sorry, dunay problema sa pag-load sa video

  • Midaghan ang mga Kristohanon
  • Mga Leksiyon Gikan sa Bibliya
  • Susamang Materyal
  • Dinasig nga Sumbanan sa Buluhaton sa Kristohanong Misyonaryo
    Ang Bantayanang Torre Nagapahayag sa Gingharian ni Jehova—1992
  • Ang Katawhan ni Jehova Nalig-on sa Pagtuo
    Ang Bantayanang Torre Nagapahayag sa Gingharian ni Jehova—1990
  • “Napuno sa Kalipay ug Balaang Espiritu”
    “Bug-os nga Pagpamatuod” sa Gingharian sa Diyos
  • “Nagsulting Maisogon Pinaagi sa Awtoridad ni Jehova”
    “Bug-os nga Pagpamatuod” sa Gingharian sa Diyos
Uban Pa
Mga Leksiyon Gikan sa Bibliya
lfb leksiyon 98 p. 228-p. 229 par. 1
Gisangyawan ni apostol Pablo ug Bernabe ang gobernador sa Cipro nga si Sergio Paulo

LEKSIYON 98

Midaghan ang mga Kristohanon

Gisunod sa mga apostoles ang sugo ni Jesus nga isangyaw ang maayong balita sa tibuok yuta. Niadtong 47 C.E., ang mga tinun-an sa Antioquia nagpadala kang Pablo ug Bernabe aron mosangyaw sa ubang lugar. Kugihan kaayo silang duha nga nagsangyaw sa tibuok Asia Minor. Apil sa ilang giadto ang Derbe, Listra, ug Iconio.

Gisangyawan ni Pablo ug Bernabe ang tanang tawo, dato man o pobre, bata o tigulang. Daghan ang midawat sa kamatuoran bahin kang Kristo. Dihang gisangyawan ni Pablo ug Bernabe si Sergio Paulo nga gobernador sa Cipro, gipugngan sila sa usa ka madyikero. Giingnan ni Pablo ang madyikero: ‘Kaaway ka ni Jehova.’ Dihadiha, nabuta ang madyikero. Dihang nakita kini ni Gobernador Paulo, midawat siya sa kamatuoran.

Si Pablo ug Bernabe nagsangyaw sa tanang lugar, sa mga balay, merkado, dalan, ug mga sinagoga. Didto sa Listra, giayo nila ang tawong dili makalakaw maong nagtuo ang mga nakakita nga mga diyos sila. Gusto na nuon silang simbahon sa mga tawo. Pero giingnan sila ni Pablo ug Bernabe: ‘Ang Diyos lang ang simbaha! Mga tawo ra mi.’ Dayon dihay miabot nga mga Hudiyo ug ilang giimpluwensiyahan ang mga tawo nga kontrahon si Pablo. Ilang gibato si Pablo, giguyod pagawas sa siyudad, ug gibiyaan kay abi nilag patay na siya. Pero buhi pa siya! Miabot dayon ang mga tinun-an aron tabangan siya ug dad-on balik sa siyudad. Sa ulahi, mibalik si Pablo sa Antioquia.

Sa 49 C.E., mibiyahe na pod si Pablo aron mosangyaw sa laing lugar. Human mabisita ang mga tinun-an sa Asia Minor, misangyaw siya sa mas layong lugar, didto sa Europe. Misangyaw siya sa Atenas, Efeso, Filipos, Tesalonica, ug sa uban pang dapit. Miuban niya si Silas, Lucas, ug ang batan-ong si Timoteo. Nagtinabangay sila sa pagtukod ug pagpalig-on sa mga kongregasyon. Mipuyo si Pablo ug usa ka tuig ug tunga sa Corinto para palig-onon ang mga tinun-an didto. Siya nagsangyaw, nagtudlo, ug nagpadalag mga sulat sa mga kongregasyon. Nagtrabaho sab siya ingong tighimog tolda. Sa ulahi, mibalik si Pablo sa Antioquia.

Nagsangyaw si apostol Pablo sa negosyohanan

Pagka-52 C.E., mibiyahe si Pablo sa ikatulong higayon aron mosangyaw. Gikan sa Asia Minor, mipadulong siya sa Filipos, ug dayon sa Corinto. Daghang tuig nga nagpabilin si Pablo sa Efeso, nga nagtudlo, nag-ayo, ug nagtabang sa kongregasyon. Kada adlaw sab siya nagpakigpulong sa awditoryum sa usa ka eskuylahan. Daghan ang naminaw ug nagbag-o. Human niya masangyaw ang maayong balita sa daghang lugar, miadto si Pablo sa Jerusalem.

“Adtoa ninyo ang mga tawo sa tanang kanasoran ug tudloi sila aron mahimong akong mga tinun-an.”—Mateo 28:19

Pangutana: Gamit ang mapa sa imong Bibliya (Bag-ong Kalibotang Hubad, Apendise B13), imo bang masundan ang mga biyahe ni Pablo sa pagsangyaw?

Buhat 13:1–23:35

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa