Introduksiyon sa Seksiyon 9

Kini nga seksiyon naghisgot bahin sa mga batan-on, propeta, ug mga hari nga lig-on ug pagtuo kang Jehova. Ang Israelinhon nga batang babaye didto sa Sirya misalig nga ang propeta ni Jehova makaayo sa sakit ni Naaman. Si propetang Eliseo dakog pagsalig nga tabangan siya ni Jehova batok sa mga kaaway. Ang hataas nga saserdoteng si Jehoiada nagpameligro sa iyang kinabuhi aron tabangan ang batang si Jehoas gikan sa iyang daotang lola nga si Atalia. Si Haring Ezequias misalig nga luwason ni Jehova ang Jerusalem, ug wala siya mahadlok sa mga Asiryanhon. Giwala ni Haring Josias ang idolatriya, giayo ang templo, ug gibalik ang matuod nga pagsimba.