TUN-ANAN 12
May Pagbati ug Empatiya
1 Tesalonica 2:7, 8
SUMARYO: Sulti nga may tinuod nga emosyon, ug ipakita nga gimahal nimo ang imong mamiminaw ug gusto nimo silang tabangan.
KON UNSAON PAGHIMO:
Hunahunaa ang imong mamiminaw. Andama ang imong kasingkasing pinaagi sa paghunahuna sa mga problema nga ilang giatubang. Handurawa ang ilang gibati.
Piliag maayo ang imong mga pulong. Paningkamot sa pagpalig-on, paghupay, ug pagdasig sa imong mamiminaw. Ayaw paggamit ug mga ekspresyon nga makapasuko nila, ug ayawg daota ang mga dili magtutuo o ang ilang tinuohan.
Pagpakitag interes. Ipakita sa mamiminaw nga interesado ka nila pinaagi sa imong buotang tingog ug haom nga mga kompas. Pag-amping sa imong mga ekspresyon sa nawong; pahiyom kanunay.