DIHANG MAGBALIKDUAW
LEKSIYON 7
Paglahutay
Prinsipyo: “Sila wala mohunong sa pagpanudlo ug pagpahayag sa maayong balita.”—Buh. 5:42.
Ang Gihimo ni Pablo
1. Tan-awa ang VIDEO, o basaha ang Buhat 19:8-10. Dayon konsideraha ang mosunod nga mga pangutana:
Imbes mohunong si Pablo kay gisupak siya sa uban, sa unsang paagi siya milahutay sa pagtabang niadtong nagpakitag interes?
Kapila mibalik si Pablo aron tudloan ang mga interesado ug unsa ka dugay ni niyang gihimo?
Unsay Atong Makat-onan Kang Pablo?
2. Kinahanglan tang maningkamot ug maggahin ug panahon sa paghimog epektibong balikduaw ug sa pagsugod ug pagtuon sa Bibliya.
Sundoga si Pablo
3. Mag-adjust sa eskedyul sa imong kaestorya. Pangutan-a ang kaugalingon: ‘Kanus-a kaha nako siya puwedeng kontakon? Kanus-a ug asa kaha mi puwedeng magkaestorya?’ Mahimong andam sa pagbalikduaw, bisan pag ang oras dili kombenyente para nimo.
4. Makigsabot. Kada human ninyog estorya, paningkamoti nga makigsabot ug espesipikong oras kon kanus-a mo puwedeng mag-estorya pag-usab. Seguroa nga matuman nimo ang inyong sabot.
5. Magpabiling positibo. Ayaw dayon paghunahuna nga dili siya interesado kay wala siya pirme sa balay o busy siya kanunay. (1 Cor. 13:4, 7) Padayon siyang baliki, pero seguroa nga nagamit nimo sa pinakamaayong paagi ang imong panahon.—1 Cor. 9:26.