ALMON-DIBLATAIM

Usa ka dapit tali sa Dibon-gad ug sa kabukiran sa Abarim diin nagkampo ang mga Israelinhon sa ika-40 nga tuig human sa ilang pagbiya sa Ehipto (1473 W.K.P.). Kini maoy usa sa kataposang mga kampo panahon sa ilang mga paglatagaw. (Num 33:​46, 47) Ang dapit dili matino, apan ang pipila ka eskolar nagtuo nga kini mao ang Khirbet Deleilat esh-Sherqiyeh, mga 16 km (10 mi) sa AAS sa Dibon (Dhiban). Lagmit nga kini mao ra ang Bet-diblataim.​—Jer 48:22.