ALFEO

1. Ang amahan sa apostol nga si Mateo Levi nga maniningil ug buhis.​—Mat 9:9; Mar 2:14.

2. Ang amahan ni Santiago nga Gamay, ang gitala nga ika-9 sa 12 ka apostoles. (Mat 10:3; Mar 3:18; Luc 6:15; Buh 1:13) Gipaluyohan sa tradisyon ang daghang eskolar labot sa kasagarang pagtuo nga si Alfeo mao ra si Clopas (Ju 19:25), nga magpaila usab kaniya nga mao ang bana sa “laing Maria.” (Mat 27:56; 28:1; Mar 15:40; 16:1; Luc 24:10) Ang kalainan sa paglitok sa lintunganayng pulong o kaha ang pagbaton niining tawhana ug duha ka ngalan, nga naandan niadtong mga adlawa, magpatin-aw niini nga kalainan.