ARKIHANON

1. Mga kaliwat ni Ham pinaagi kang Canaan ug usa sa 70 ka banay human sa Lunop. (Gen 10:17; 1Cr 1:15) Namuyo sila daplin sa Kabaybayonan sa Mediteranyo sa K sa Kabukiran sa Lebanon.

2. Bisan tuod kini nga termino mahimong magtumong sa usa ka membro sa wala-mailhing tribo sa Canaan, mopatim-aw nga lagmit nagtumong gayod kini sa usa ka iladong pamilya o banay nga nahimutang sa dapit sa Atarot, sa HK sa Bethel. (Jos 16:2) Usa ka lungsod nga ginganlag ʽEin ʽArik sa K sa Bethel gituohan sa uban nga mao ang tinubdan o ang nahibiling ebidensiya nianang ngalana. Si Husai nga usa ka matinumanong magtatambag ni David maoy usa ka Arkihanon.​—1Cr 27:33; tan-awa ang HUSAI.