ARVAD

Diha sa matagnaong awit sa pagbangotan ni Ezequiel bahin sa Tiro, gihisgotan ang mga tawong taga-Arvad nga nag-alagad ingong hanas nga mga tigbugsay sa mga barko sa Tiro ug ingong maisog nga mga manggugubat diha sa kasundalohan niini. (Eze 27:​8, 11) Ang Arvad gituohan nga mao ang gamayng batoon nga pulo nga nailhan karong adlawa ingong Arwad, nga nahimutang mga 3 km (2 mi) gikan sa baybayon sa amihanang Sirya, mga 186 km (116 mi) sa AAS sa Tiro. Ang mga molupyo maoy mga kaliwat ni Canaan.​—Gen 10:​15, 18.