BEEROTNON

[Taga- (Iya sa) Beerot].

Usa ka molupyo o lumad sa Beerot. Sa panahon sa pagsulod sa mga Israelinhon sa Canaan, ang mga molupyo niini maoy mga Hivihanon. Human niadto ang teritoryo gipahat ngadto sa tribo ni Benjamin, ug ang Hivihanon nga mga pumoluyo nahimong “mga mangangahoy ug mga magkakalos ug tubig.” (Jos 9:​17, 27; 18:​21, 25; tan-awa ang BEEROT.) Ang mga nagpatay kang Is-boset, nga mao, si Baana ug Rekab, maoy “mga anak nga lalaki ni Rimon nga Beerotnon, sa mga anak sa Benjamin.” (2Sa 4:​2, 5, 9) Si Naharai, usa sa gamhanang mga tawo ni David, gitawag nga “Beerotnon” sa 2 Samuel 23:37 ug “Berotnon” sa 1 Cronicas 11:39.