CALNO
Usa ka siyudad nga gitala diha sa tagna ni Isaias labot sa pagpanghambog sa mga Asiryanhon sa ilang mga pagpanakop ug sa pagkakawang niadtong nangahas sa pagsukol sa ilang gahom. (Isa 10:5, 9-11) Giisip sa kadaghanang eskolar nga ang Calno maoy laing espeling sa Calne. (Am 6:2) Ang paghisgot sa Calno uban sa Carkemis moharmonya sa pagtuo nga ang Calne mao ang Kullani sa Asiryanhong mga teksto, nga nahimutang taliwala sa Carkemis ug Aleppo. Ang Kullani nailog ni Tiglat-pileser III, usa ka katalirongan ni Haring Menahem sa Israel.