ANAPOG

Ang miugdo nga mga bahin niining humok kaayo, daling madugmok, puno kaayog calcium carbonate nga bato makaplagan sa lainlaing bahin sa Palestina. Tungod kay kini dili mapuslan sa pagpanukod ug dali ra kaayong madugmok ug mapolbos, si manalagnang Isaias migamit sa anapog ingong usa ka epektibong pagtandi aron ipakita kon unsay angayng buhaton sa mga halaran sa Israel nga gigamit sa idolatrosong pagsimba aron mabatonan ang kapasayloan. (Isa 27:9) Ang Aramaikong katumbas sa Hebreohanong termino nga gir (anapog) makaplagan sa Daniel 5:5 sa orihinal nga teksto.​—Tan-awa ang APOG.